كشف الفنان إسماعيل شرف عن أبرز المحطات في مشواره الفني، موضحًا أن مسلسل «الصياد» كان العمل الذي شكل نقلة حقيقية في مسيرته، رغم أنه لم يكن أول أعماله الفنية، كما تحدث عن بدايته في مجال الفن ودراسته وعمله في مجال الإعلانات قبل دخوله عالم الدراما.
وقال خلال لقائه مع الإعلامي شريف نورالدين في برنامج «أنا وهو وهي» المذاع على قناة «صدى البلد»: «بالنسبة لي مسلسل الصياد مكنش أول عمل، لكن بالنسبة لي هو النقلة اللي خلت الناس تاخد بالها مني ويعرفوني».
وأضاف: «العمل ككل الحمد لله كان ناجح جدًا، ومختلف، وعمل صدى كويس جدا مع الجمهور، وصحيح مكنش لسه حد عارف اسمي، لكن كانوا بينادوني في الشارع باسم الشخصية ماجد العزازي، ولغاية النهاردة، وده حاجة بتبسطني الحقيقة».
شاهد ايضاً
وعن أول أعماله الفنية، أوضح: «أول عمل كان مسلسل قلوب، وكان 60 حلقة، مع علا غانم، وأنا يمكن اترميت في وسط البحر، يعني أنا أخدت أول عمل وأخدت دور بطولة مع علا في 60 حلقة».
وتابع: «دخلت المجال وأنا لسه ما أعرفش عنه أي حاجة، فكان تحدي إن أنا أثبت نفسي، وكمان ما أقصرش رقبة المخرج اللي اختارني واداني الفرصة، فدي كانت بالنسبة لي أهم حاجة، ودي كانت البداية».
