الصيام والرقص.. دينا تكشف عن سر شبابها “يارب توصلوا لسني وتبقوا زي” – ترند نيوز

أثارت الراقصة والفنانة دينا، حالة من الجدل خلال الساعات الماضية بعد أن كشفت عن سر شبابها على الرغم من كبر سنها، إذ وجه لها الجمهور العديد من التساؤلات عن عدم ظهور علامات الكبر عليها، موضحة بأنها تحافظ على صحتها وشبابها منذ الصغر. 

دينا تكشف عن سر شبابها.. الرقص كلمة السر 

قالت الراقصة دينا عن سر شبابها وعدم ظهور علامات الكبر عليها، خلال برنامجها الجديد “اسمع مع دينا”،:” أحيانًا بيقولوا حاجات تضحك، يعني مثلًا يقولوا إنتي كبرتي، هو إنتي ميبناش عليكي الكبر ليه؟، مش بكون فاهمة وضايعة بين الاتنين، أنا كبرت ولا ميبانش عليا الكبر، لكن مش بتأثر أوي علشان ما أضايقش اللي بيحبوني ومش معترضة على كلامهم، وأنا كبرت بجد لكن مش بيبان عليا الكبر”. 

كشفت الراقصة دينا عن الأشياء التي تفعلها منذ بلوغها سن الـ 15 عامًا، موضحة :” من وأنا عندي 15 سنة لحد النهاردة عمري ما نمت وفي وشي مكياج، وكل يوم بحط كريم في النهار وفي الليل، وعمري ما استحميت ومحطتش كريم لجسمي، وكل يوم بلعب رياضة أو برقص، وطول عمري بعمل الصيام المتقطع من وأنا 15 سنة، وباكل مرة واحدة في اليوم لأن مفيش حاجة عندي أحسن من نفسي”.

وتابعت دينا: بقدر أحافظ على نفسي وأوصل لسن معين وأنا محافظة على نفسي ومش بزعل أنكم بتقولوا أنتي كبرتي لأن دي الحقيقة ومش مضايقاني خالص، ويا رب توصلوا لسني وتبقوا زي”. 

رواد مواقع التواصل يتفاعلون من برنامج دينا الجديد 

وبعد تصريحاتها والكشف عن سر شبابها انهالت التعليقات الداعمة من قبل رواد مواقع التواصل الاجتماعي على موقع “إنستجرام”، والتي جاءت كالأتي، “العمر مجرد رقم”، ” انتي رائعة وجميلة حبيبتي دينا”، “مازلتي قمر وفراشة كمان”، ” والله لسه قمر ونفس الملامح”، ” والله بتسوي راس النسوان يلي بعمر العشرين والثلاثين”، ” دينا أجمل انسانة في الداخل والخارجي”، “ يارب دايماً تبقي كده جميلة”، “ انت ملكة اتمنى لما تكبر ابقا زيك انت فخر لأي امرأة بحبك موت my idol”، ” متقوليش كدة تانى لانك قمر طول الوقت وبصراحه كل اما بتكبرى بتحلوى اكتر اصلا”، “مضبوط لما بتحبي نفسك بتحافظي على نفسك”.